សហព័ន្ធបាល់ទាត់ ប្រកាសរើសគ្រូបង្ហាត់ក្រុមយុវជនសាលាបាល់ទាត់ជាតិបាទី

Descriptions

ភ្នំពេញ៖ សហព័ន្ធកីឡាបាល់ទាត់កម្ពុជា  បានប្រកាសជ្រើសរើសគ្រូបង្ហាត់ នៅមជ្ឈមណ្ឌល  និង  សាលាបាល់ទាត់ជាតិបាទី ជាមួយលក្ខខណ្ឌយ៉ាងហោច  ត្រូវមានសញ្ញាប័ត្រកម្រិត “C” ឡើងទៅ ។

បើយោងតាម  សេចក្ដីជូនដំណឹង  របស់សហព័ន្ធ  ដែលចេញដោយ  អគ្គលេខាធិការដ្ឋាន  ​នៃ  សហព័ន្ធកីឡាបាល់ទាត់កម្ពុជា ។ សេចក្ដីជូនដំណឹងនេះ គឺផ្តោតលើផែនការអភិវឌ្ឍន៍  បាល់ទាត់រយៈពេលវែង និង  ក្នុងទិសដៅឆ្ពោះ  ទៅស៊ីហ្គេម ឆ្នាំ២០២៣ ដែលកម្ពុជាទទួលបាន  សិទ្ធធ្វើជាម្ចាស់ផ្ទះ ។

ហេតុនេះ សហព័ន្ធ  ត្រូវការជ្រើសរើស  គ្រូបង្ហាត់កីឡាបាល់ទាត់  មួយចំនួន ដែលមាន  សញ្ញាប័ត្របង្ហាត់ចាប់ពីកម្រិត “C” ឡើងទៅ ដើម្បីចូលរួម  សហការបង្ហាត់ក្រុមកីឡាករ នៃ  សាលាកីឡាបាល់ទាត់ជាតិបាទី ។

សេចក្ដីជូនដំណឹង  ខាងលើមិនបានបញ្ជាក់  មូលហេតុនាំឲ្យមានការជ្រើសរើសនិង  ចំនួនគ្រូបង្ហាត់នោទេតែកាលពីពេលថ្មីៗ មានប្រភព័ត៌មានមួយចំនួន បានទម្លាយថា បច្ចុប្បន្នគ្រូបង្វឹកខ្មែរមួយចំនួន ដែលបានធ្វើការងារយូរឆ្នាំ  ជាមួយសាលាបាល់ទាត់ជាតិបាទីដើម្បីទៅគ្រប់គ្រងក្លិបមួយចំនួនដែលលេងក្នុងក្របខ័ណ្ឌលីគ ។

ថ្មីៗនេះ  លោក  មាស សំអឿន  ដែលធ្លាប់ធ្វើការងារនៅទីនោះ  បានចាកចេញមករួមរស់ជាមួយក្រុមអគ្គិសនីកម្ពុជា  ដែលជាក្រុមមួយកំពុងតែលេងក្នុងក្របខ័ណ្ឌ  លីគកំពូល ៕