Instagram មានអ្នកប្រើប្រាស់ជាង 500 លានអ្នក មានអ្នកប្រើដោយប្រមាណ 300 លាននាក់ក្នុងមួយថ្ងៃ

កម្មវិធីបង្ហោះរូបភាពនិងវីដេអូដែលល្បីល្បាញដូចជា Instagram បានប្រកាសថាមានអ្នកប្រើប្រាស់ដល់ទៅ 500 លានអ្នក ដោយអ្នកផ្ដល់សេវាកម្មនេះបានបន្តទៀតថាក្នុងមួយថ្ងៃមានអ្នកប្រើប្រាស់ដល់ទៅ 300​ លានអ្នក

មកមិនយូរមកនេះ Instagram បានធ្វើការផ្លាស់ប្ដូរសញ្ញាពីរូបកាមេរ៉ាដែលយើងធ្លាប់ឃើញឲ្យក្លាយទៅជាកេមេរ៉ាដែលមើលទៅមានភាពទាន់សម័យព្រមទាំងបានធ្វើការអាប់ដែត UI ហើយបន្ថែមសមត្ថភាពនៃរយៈពេលរបស់វីដែអូដែលបង្ហោះពី 15 វិនាទី​ ទៅដល់ 60 វិនាទី

ហើយដែលសំខាន់គឺជាការផ្លាស់ប្ដូរដែលមានភាពសំខាន់របស់ Instagram គឺការរៀបចំបង្ហាញអត្ថបទដែលមិនរាងតាមពេលវេលា ដោយ Algorithm ដែលជាអ្នកសម្រេចថាឯកសារណាដែលមានភាពទាក់ទងនឹងអ្នកប្រើប្រាស់បំផុតទុកជាលំដាប់មុនដំបូងនៅក្នុងថាមឡាយ